මනින්නට මිනිසා.....
සිතේ ඇති දේ කවුද දන්නේ කියන්නට විමසා.....
පුද්ගලයාගෙන් පුද්ගලයාට මිනිසා වෙනස්ය. එම වෙනස හොඳ හෝ නරක විය හැකිය. එය එසේ වෙද්දී ඔබ කුමන ගොඩට අයත්විය හැකිද යන්න ඔබගේ හදවත ඔබට කියයි. නමුදු ඔබ අයත්විය යුත්තේ කුමන ගොඩටද යන්න සිතා බැලීමට ඔබට නොහැකි යැයි සිතිය නොහැක.
ඉහත ගීතය ලියා තිබෙන්නේ ඕනෑම කෙනකුට ශ‍්‍රවණයෙන්ම යමක් වටහාගන්නට හැකි අයුරිනි. එහි බැරෑරුම් ලෙස කිසිවක් රචනා වී නැත. ලොකු කුඩා සැමට වරක් ඇසූ සැනින් අරුත වැටහේ.
මිනිසුන්ගේ නුගුණ රචකයා උපහාසාත්මකව යොදා ඇත්තේ අසන්නාට දනවන ලෙසය.
පද රචනය ශ‍්‍රාවකයා තුළට කාවද්දන්නේ මොහිදින් බෙග් ගායකයාය. මුල් ගායනය ඔහුගේ වුවද පියාගේ පාරේ යමින් අද ඉෂාක් බෙග් ගායකයා ද ශ‍්‍රාවකයාට එම ගීතයේ වටිනාකම ඒ අයුරින්ම ලබාදෙයි.
ලෝකයේ පර විසක් නැත වෙන මිනිස් විස වාගේ.....
සැප විඳී පණ ගියත් පැගී
අනෙක් මිනිසාගේ.....
වර්තමානයේ අසන්නට දකින්නට ලැබෙන මිනිස් ගති පද රචකයා තදින්ම විදහා දක්වයි. එය දෙවන, තුන්වන කොටස් වල අගට යොදා ඇති ගී ඛණ්ඩ මනාව ඔප්පු කරයි.
ඉතාම හැඟීම්බරව අසන්නාට ගායකයා පවසන්නේ මිනිස්ගති ස්වභාවයයි. එම මිනිස්ගති කොයි ආකාරයෙන් පැවතියත් දිනෙක යුක්ති ධර්මය ජයගන්නා බව ගීතයේ අවසන් පද පේලි කියාපායි. එය පද රචකයා සමාන කරන්නේ ඉරුගේ දිලිසෙන ආකාරයටයි.
‘‘යුක්ති ධර්මේ ජයගනීවී
දිලෙන ලෙස දිනිඳා.’’
ඉදින් මෙම හැබෑව තේරුම් ගැනීම දිවි සරුකර ගැනීමට හේතුවේවි.
තනුජා එන්. අයගම
(උපුටා ගැනීම පෙබරවාරි කලාපයෙන්)
(උපුටා ගැනීම පෙබරවාරි කලාපයෙන්)
No comments:
Post a Comment